Асыл тұқымды мал сатып алды
Күршім ауданы, Ақбұлақ ауылындағы шаруа қожалықтары мал тұқымын асылдандыру ісімен түбегейлі айналысып келеді.
– «Тұрар» шаруа қожалығының жетекшісі Құмарғазы Ақтанов өз қаражаты есебінен екі млн. теңгеге асыл тұқымды ірі қара малын сатып алды. Болатбек Мусиннің иелігіндегі «Дәулет» шаруа қожалығы да 1,5 млн. теңге өз қаражатын жұмсап, асыл тұқымды қойларды әкеліп, өсірумен айналыса бастады. «Мақсат» шаруа қожалығының жетекшісі Данияр Білейменов «Сыбаға» бағдар-ламасы аясында асыл тұқымды бұқа сатып алды, – дейді ауыл округінің әкімі Мұхтар Сағанақов.
«Атантай» шаруа қожалығының же-текшісі Күлбәну Дәрібаева бір мыңға таяу қазақтың қылшық жүнді құйрықты қойларын өсіріп жатыр. Асыл тұқымды шаруашылық мәртебесі берілген осы қожалықтан қой сатып алуға шаруалардан тапсырыстар да түсіп жатады.
Қой өсірумен айналысып жатқан «Асқар», «Аман», «Шеттерек», «Тасқын», «Мұқашпай» шаруа қожалық-тары да мал тұқымын асылдандыру мүмкіндіктерін қарастыруда.