Мамандандырылған ХҚКО-ның жанындағы ғимаратта өрт шықты – Өскемен

Өскемендегі мамандандырылған ХҚКО-ның жанындағы ғимаратта шыққан өртті қатты жел одан әрі үрлеген.

Отты өз күштерімен өшіре алмаған тұрғындар өрт сөндірушілердің көмегіне жүгінген, деп хабарлайды Didar ақпарат.

Өрт салдарынан ХҚКО-ның жанындағы ғимаратта болған ағаш қалдықтары жанып кеткен.

-Куәгерлер өртті сөндіруге тырысқанымен екпінді жел отты өршітті. Жалын басылмайтын болған соң мамандарды шақырдық. Келген өрт сөндіру бөлімшелері қоймадағы отты сөндіруге және ХҚКО-ын  қорғауға кірісті,-деді ШҚО ТЖД баспасөз қызметі.

Айта кетелік,  100 шаршы метрге тараған  қызыл жалын ауыздықталды. Өртті сөндіруге ШҚО ТЖД жеке құрамының 33 адамы және 10 бірлік техника қатысты.

Ынтымақ Толқын