Қалада ауқымды шаруа атқарылған

Семейге «Nur Otan» партиясы Төрағасының бірінші орынбасары Бауыржан Байбек жұмыс сапарымен келді. Партия Төрағасының бірінші орынбасары облыс әкімі Даниал Ахметовпен бірге бірқатар әлеуметтік нысандарды аралап, жұртшылықпен кездесті.

Бірінші нысан жаңартылған Абай алаңы болды. Жаз бойы мұнда ұлы ойшылдың мерейтойына орай ауқымды қайта жаңғырту жұмыстары жүргізілді, атап айтқанда, ескі ағаштар кесіліп, шыршалармен алмастырылды, көгалдар пайда болды және жол жамылғысы ауыстырылды. Ескерткіш жаңа жарық диодты шамдармен жарықтандырылды, жаңа орындықтар орнатылды, балалар мен спорт алаңдары ашылды. Жаңа келбетке ие болған алаң бүгінде қала тұрғындарының сүйікті демалыс орнына айналды.

Одан кейін «Nur Otan» партиясы Төрағасының бірінші орынбасары Абай атындағы жаңартылған театрмен танысты, мұнда да жаз бойы ауқымды жөндеу жұмыстары жүргізілді. Театр директоры Яков Горельников мұнда жүргізілген жөндеу жұмыстары туралы айтып берді. Театр директорының айтуынша, ғимараттың тарихи келбеті сақталып, жаңғыртылған. Күрделі жөндеу ғимараттың сыртында да, ішінде де жүргізілді. Есіктер мен терезелер, едендер, баспалдақтар, жақтаулар, төбелер жөнделіп, қабырғалар боялған. Театрдың сахнасында да елеулі өзгерістер байқалады. Мұнда кондиционер орнатылып, жарық мөлшері көбейтілді. Негізгі сахнадағы қоңыр түс көкке ауыстырылды. Театр басшылығы атап өткендей, құрылыс кезінде тек отандық материалдар пайдаланылды. Болашақта көрермендердің назарына толықтай жаңартылған театр ұсынылады.

Содан кейін Бауыржан Байбек қала жұртшылығымен, зиялы қауыммен, ҮЕҰ және блогерлермен кездесті. Кездесу Қарағайлы ықшам ауданындағы көпсалалы мәдени-спорт кешенінде өтті. «Nur Otan» партиясы Төрағасының бірінші орынбасары қалада жүргізілген ауқымды жұмыстар туралы тыңдап, облыс бойынша праймериздерді өткізу барысы туралы айтып, партияның сайлауалды бағдарламасын талқылады.

– Бүгінде елімізде 3335 депутат бар. Өкінішке қарай, біздің депутаттар әрқашан белсенді бола бермейді. Праймериз жүйесі билікке білікті адамдар келгенін қарастырады. Егер адам ішкі партиялық алаңға қатысса, онда мәслихат депутаты бола отырып, ол өз жұмысына басқаша қарайды. Ол бес жылдан кейін қайтадан праймеризден өтуі керек екенін және содан кейін сайлаушыларына не айтатынын түсінеді. Партия – бұл талантты, күшті, патриот, кәсіби адамдарға билік етуге және өз отандастарының мәселелерін партияның көмегімен шешуге мүмкіндік беретін саяси құрал. Бәрі де жақсы өтеді деп үміттенеміз, – дейді Бауыржан Байбек.

Бауыржан Байбек Семейдің әлеуметтік-экономикалық дамуының оң динамикасын атап өтіп, мұнда бес жыл бұрын болғанын және осы уақыт ішінде қала көптеген оң өзгерістерге ұшырағанын айтты.

Наргиза Омарқанова

Семей.