«Жасыл болашақ энергиясы» бейнемарафоны өтті
Cемейде Абай атындағы кітапхана ұжымы қаладағы технологиялық колледжде «ЭКСПО – 2017» бағдарламасы аясында бейнемарафон өткізді. Марафон «Жасыл болашақ энергиясы» тақырыбында «Ертеңгі күнге сеніммен» және «Саламатты қоғамға бір адым алға» әлеуметтік жобасының тұрақты әріптесі ретінде қолға алынып отыр.
Шара барысында бүкіләлемдік көрме туралы қызықты деректер келтіріле отырып, маңызды оқиғалар мен халықаралық көрмелер бюросының жұмыстары жайында мәліметтер берілді. Қатысушылар назарына әр елде өткізілген халықаралық көрмелердің бейнедеректері ұсынылды. Бейнемарафон барысында еліміздің жас және ең әдемі астанасы – Астана қаласының жаңа келбеті туралы бейнефильм ұсынылды.
Сонымен қатар, шара барысында қатысушыларға ЭКСПО көрмелерінің тарихы туралы викториналық сұрақтар қойылды. Бейнемарафон «Жаңартылмалы энергия көздері» атты мерзімді басылымдардан ұйымдастырылған кең мазмұнды көрмені тамашалаумен жалғасты.
