Шоттың жай-күйін қалай біле аламын?
– Тұрғылықты жерімнің өзгеруіне байланысты мен өзімнің зейнетақы шотымнан көшірмені пошта арқылы алуды доғардым. Қазіргі уақытта зейнетақы шотымдағы жинақтың жай-күйінен хабарсызбын. Аталған шоттан ақпарат алудың басқа тәсілдері бар ма?
Еркінбек Сайрабек Тарбағатай ауданы.
Сіздің сұрағыңызға Бірыңғай жинақтаушы зейнетақы қоры жауап берді:
– Үзінді көшірмені пошта конверттері арқылы алу үшін сіз өзіңіздің жаңа мекенжайыңызды Бірыңғай жинақтаушы зейнетақы қорына хабарлауыңыз керек. Дегенмен, сіз өзіңіздің зейнетақы шотыңыздың жай-күйін электронды тәсілмен, яғни Бірыңғай жинақтаушы зейнетақы қорына ұсынылған электронды пошта арқылы және жеке кабинет арқылы, сондай-ақ зейнетақы қорының кеңсесіне келіп, я болмаса пошта байланысы қызметтері арқылы ала аласыз.
Ақпарат алу тәсілін айқындау немесе өзгерту үшін салымшы Қордың кеңсесіне тікелей келіп немесе қордың сайты арқылы тиісті келісімшарт жасасуы қажет.
