Бір тоннадан астам шөп жеткізілді

Биылғы қыстың қатаң болуына байланысты жабайы жануарлардың санын сақтап қалу мақсатында облыс орманшылары тарапынан қосымша биотехникалық іс-шаралар қолға алынып отыр.

Бұл туралы облыстық табиғи ресурстар және табиғат пайдалануды реттеу басқармасы хабарлайды.

Мысалы, тек қаңтар айында резервтік аймақтарда жабайы жануарларға қосымша 10 жемдік орнатылып, оларға 1 тонна шөп салынды, 1100 келі тұз құйылды. Сонымен қатар, табиғи азық көздеріне жететін жолдар қардан тазартылды.

Аталмыш шаралар облыстық орман және аңшылық комитетінің тапсырмасы бойынша жүзеге асқанын айта кеткен жөн.