Сурет байқауынан жүлде алды

Ел Тәуелсіздігінің 30 жылдығына орай «Гүлдене бер, менің Қазақстаным!» облыстық онлайн сурет байқауына аудан мектептерінен қатысқан алты оқушының төртеуі жүлделі орынға ие болды.

Осы аймақтық байқауда «Сурет» номинациясы бойынша Тасарық негізгі мектебінің оқушысы Наз Тоқтар бірінші, Кішкенетау орта мектебінің  оқушысы Ботакөз Амантай екінші, «Сәндік қолданбалы өнер» номинациясы аясында Тұрсабеков атындағы орта мектеп түлегі Арайлым Тілеуғажиева екінші, осы білім ұясының тағы бір оқушысы Айым Оралғазы үшінші орындарды иеленіп, бағалы сыйлықтармен және дипломдармен марапатталды.

Бұл шәкірттердің жоғары көрсеткіштері – ұстаздарының талай жылғы қажырлы жұмыстарының нәтижесі.

Бейсенғазы Ұлықбек