ШҚО-да дауылды ескерту жарияланды

Шығыс Қазақстанда көктайғақ пен тұманға байланысты дауылды ескерту жарияланды.
“Қазгидромет” ШҚ филиалының ақпараты бойынша 28 қазанда түнде облыстың солтүстігінде, шығысында, оңтүстігінде көктайғақ күтіледі. Түнде және таңертең облыстың шығысында, оңтүстігінде тұман күтіледі, деп хабарлайды Didar ақпарат.

Зейін мен сақтық – бұл мінез-құлықтың негізгі принциптері, оларды көктайғақ және тұман кезінде қатаң сақтау керек.

Көктайғақ кезінде жаяу жүргіншіні екі қауіп күтіп тұрады – тайып кету және құлау, бұл көгеруге, буынның шығуына және сынықтарға әкелуі мүмкін. Құлау ықтималдығын азайту үшін келесі ережелерді сақтау қажет:
– биік өкшелі туфлиден бас тартып, тайғақ емес аяқ киімді алыңыз;
– аяғыңыздың астына қараңыз, қауіпті жерлерді, әсіресе көлбеу бетті айналып өтуге тырысыңыз.
– қолдар мүмкіндігінше бос болуы керек, ауыр сөмкелерді алып жүрмеуге тырысыңыз, қолдарыңызды қалтаңызда ұстамаңыз;
– егде жастағы адамдарға резеңке ұшты таяқшаны немесе тікенектері бар арнайы таяқшаны пайдалану ұсынылады;
– асықпау үшін уақыт қорына ие болыңыз.
Көлік құралдарының жүргізушілері жол қозғалысы ережелерін, жылдамдық режимін және қашықтықты қатаң сақтау қажет.
Төтенше жағдай туындаған кезде “112”нөміріне қоңырау шалыңыз.

ШҚО ТЖД баспасөз қызметі