ШҚО: ауылдағы сайлау учаскесіне ЕҚЫҰ өкілдері келді
Глубокое ауданындағы сайлау учаскелерінің барлығы штаттық режимде жұмыс істеп тұр.
Прогресс ауылындағы 494 учаскеге ОБСЕ өкілдері Mary-Margaret Knudson және Kiss Benadik келді. Сайлау учаскесі комиссиясының төрағасы Рыскүл Мұратбекова ағылшын тілі пәнінің мұғалімі болғандықтан байқаушыларды аудармашының көмегінсіз-ақ дауыс беру науқаны бойынша ақпаратпен таныстырды. Қонақтар сайлау учаскесінің жұмысынан кемшілік көрмегендерін айтты. Ал дауыс беруге келген Прогресс ауылдық ардагерлер кеңесінің төрағасы Нина Жаканова сайлаудың ойдағыдай өтіп жатқанын жеткізді.
– Біз айтқан сөзінде тұратын адамдарға дауыс береміз. Барлық үміткердің сайлауалды бағдарламасымен танысқанбыз. Олардың айтқаны жүзеге асады деп сенеміз, – дейді ол.
Глубокое ауданы бойынша дауыс беру кешке дейін жалғаса береді.
