![](https://didar-gazeti.kz/wp-content/uploads/2022/09/whatsapp-image-2022-09-29-at-18.16.26-1-780x470.jpeg)
Amanat партиясы Өскемен қалалық филиалының кезектен тыс ХХІХ конференциясы өтті. Жиынға қатысушылар партия ұсынып отырған саяси тұғырнаманың жобасын талқылады.
– Қоғам талабына сай өзгеру, азаматтар үнін тыңдау – партиямыздың басты мақсаты. Міне, осы тұрғыда партияның саяси тұғырнамасы талқыға түсуде. Біз саяси тұғырнамадағы бастамаларды толық қолдаймыз, – деді қалалық мәслихат депутаты Әскерхан Қуанбай.
Саяси платформаның әр бөлімі бүгінгі геосаяси және геоэкономикалық жағдайға негізделген.
– Тұғырнама партия мүшелері тарапынан қолдау табуда. Күні кеше қаладағы бастауыш ұйымдардың өкілдерімен талқылау өтті. Осы құжатта біздің ел игілігі үшін алдағы уақытта атқаратын жұмыстарымыз нақты көрсетілген, – деді қалалық партия филиалының атқарушы хатшысы Арайлым Есімбекова.
Жиын соңында облыстық партия филиалының кезектен тыс XXVII конферециясына қатысатын делегаттар тізімі бекітілді.