Облысымызда жер сілкінісі тіркелді

Облысымызда жерасты дүмпуі тіркелді. Бұл жайында Білім және ғылым министрлігі жанындағы ғылым комитетінің сейсмологиялық тәжірибелі-әдістемелік экспедициясы мәлімдеді.

Сейсмологтардың хабарлауынша, ақпанның 1-і күні сағат 12-ден 32 минут кеткенде облысымыздың бірқатар аудандарында жерасты дүмпуі сезілген. «Жер сілкінісінің ошағы Қазақстан аумағында, Алматы қаласынан солтүстік-батысқа қарай 525 шақырым жерде, 5 шақырым тереңдікте орналасқан» делінген сейсмологтардың хабарламасында. Оның күші 5 балға дейін жеткен.

Магнитудасы 2-3 балды құраған жерасты дүмпулері облысымыздағы Таскескен ауылында да сезілген. Әзірге қаза тапқандар мен зардап шеккендер туралы мәлімет жоқ.