ХҚКО-да бірнеше қызметке өтініш қабылдау уақытша тоқтатылады

Халыққа қызмет көрсету орталықтарында бірқатар қызметтерге өтінім қабылданбайды. Бұл туралы “Азаматтарға арналған үкімет” мемлекеттік корпорациясы мәлім етті.

Ішкі істер министрлігінің “Ақпараттық-өндірістік орталығы” техникалық жұмыстар жүргізіп жатыр. Соған байланысты 2023 жылғы 9 және 10 маусым аралығында барлық ХҚКО-да бірнеше қызметке өтініш қабылдау уақытша тоқтатылады, деп хабарлайды Didar ақпарат.

Атап айтқанда:

• Қазақстан Республикасында уақытша тұратын шетелдіктерге және азаматтығы жоқ адамдарға жеке сәйкестендіру нөмірін қалыптастыру және түзету қызметі;
• еңбекші көшіп келушілерге рұқсаттар беру, ұзарту және кері қайтарып алу қызметі;
• шетелдіктерге және азаматтығы жоқ адамдарға Қазақстан Республикасында уақытша және тұрақты тұруға рұқсаттар беру қызметі;
• Қазақстан Республикасынан тыс жерлерге тұрақты тұру үшін шығуға арналған құжаттарды ресімдеу қызметі уақытша қолжетімсіз.

“Уақытша қолайсыздықтар үшін кешірім сұраймыз”, – делінген хабарламада.