Голлувидті таңдандырып қайтты

Семейлік 14 жасар Ванесса Безродная Американың Лос-Анджелес қаласында өткен халықаралық өнер чемпионатында поп және рок-вокал аталымы бойынша абсолютті чемпион атанды.
Аталған чемпионатта әлемнің 42 елінің 7 мен 45 жас аралығындағы артистері өнер көрсеткен-ді. Сөйтіп, аталған бәсекенің финалына ілініп, вокал және модельді бизнес бойынша дарынын байқатқан Ванесса туған Қазақстанына төрт алтын және күміс, сондай-ақ, бір қола медальмен және бірнеше продюсердің ұсыныстарымен оралды.
Оның анасы Ирина Безроднаяның айтуынша, Ванесса бұған дейін «Новая волна» байқауында финалист болса, «Евровидениенің музыкалы академиясы» жобасына қатысушы болған болатын.
– Мен чемпионатта екі санат бойынша финалист болдым, – дейді Ванесса. – Төрт алтын медальдің біреуіне финалға шыққаным үшін, екіншісіне поп-ән, үшіншісіне рок-ән, ал соңғысына ұлттық ән орындағаным үшін ие болдым. Әсіресе, жюри мүшелеріне менің ұлттық әнім ерекше ұнады.

Шығыс-Ақпарат