Екі келідей сынап төгілген

Өскемендегі Киров көшесінің бойында орналасқан №74 тұрғын үйдің қоқыс жәшігінің жанында екі келіге жуық сынап төгілген дерегі анықталды.

Құтқарушы мамандар оқиға орнына дереу жетіп, төгілген сұйықты жинап алып, көзін жою үшін полиция қызметкерлеріне тапсырған. Ал ластанған жерді перманганат калиймен залалсыздандырған.

Естеріңізге салсақ, бұл алғаш кездесіп отырған жағдай емес. Осыдан бір ай бұрын облыс орталығындағы Михаэлис көшесі, №16/1 мекенжайындағы тұрғын үйдің ауласынан 20 миллилитр сынап төгілген болатын.