Достық аллеясы ашылады

Жақын арада Өскеменде Қазақстан мен Түркия халықтарының достығы мен бауырластығының символы ретінде жаңа аллея пайда болады.

Астанадағы Түркия Республикасы елшілігінің жанындағы Юнус Эмре атындағы институттың директоры Ибрахим Йылдырым қала әкімімен кездесті.

Кездесу барысында Өскеменнің жаңадан бой көтеріп келе жатқан 19-ықшам ауданында Қазақстан мен Түркия елдерінің арасындағы бейбітшілік пен келісімге арналған аллея ашу туралы шешім қабылданды.

Ибрахим Йылдырым – Түрік еліне Қазақстанның тілі мен мәдениетін кеңінен насихаттап, Қазақ елін түрік мәдениетімен таныстырып жүрген адам. Түркияда оның «Қазақстан балаларының ұлттық ойындары», «Қазақ фольклорындағы алғашқы өлеңдер мен мақал-мәтелдер» атты кітаптары жарық көрген.