Алтын өндіретін заңсыз цех табылды

Зырян ауданының прокуратурасы тексеру кезінде кен қоспасынан бағалы металды қайта өндірумен айналысатын цехтың жұмысын әшкереледі.

– Қаладан бір шақырымдай жердегі бұрынғы қорғасын-мырыш комбинатының өндіріс қалдықтары сақталған аумақта бағалы металл, оның ішінде алтынды қайта өндірумен айналысқан төрт адам және жұмысты ұйымдастырушы ұсталды, – дейді облыстық прокуратура мамандары.

Қазір осы деректерге қатысты қылмыстық іс қозғалып, тергеу жүргізілуде. Мемлекетке келген шығынды анықтау мақсатында сараптамалық жұмыстар қолға алынған.