Алғашқы қар алты адамның өмірін қиды

Аптаның басы ақ ұлпа қармен басталып соңы көктайғаққа ұласып қана қоймай, бір тәулік ішінде үш көлік апатынан алты адам көз жұмса, тағы алты адам жарақат алған.

Шемонайха, Зайсан және Үржар аудандарының аумағында тіркелген қайғылы оқиғаға ауа райын кінәлау әбестік екенін айтады жол полициясының инспекторлары. Басты себеп – жылдамдық қауіпсіздігін сақтамау, уақытында дөңгелек ауыстырмау секілді мұқиятсыздықтар.

Бұл күні құтқарушылар тыным таппады, облыс орталығындағы барлық коммуналдық мердігер ұйымдар қысқы режімге көшті.