20 маусымға арналған ауа райы болжамы – ШҚО

Шығыс Қазақстан облысының аумағында дауыл тұрып, найзағай мен жауын-шашын болады.

«Қазгидромет» мамандары 20 маусымға арналған ауа райы болжамын ұсынды, деп хабарлайды Didar ақпарат.

Синоптиктердің болжамы бойынша, 20 маусымда күндіз облысының солтүстік-шығысында қатты жаңбыр жауады.  Түнде облыстың батысында, солтүстігінде, күндіз басым бөлігінде найзағай, бұршақ, дауыл күтіледі. Жел оңтүстік-шығыстан оңтүстік-батысқа ауысады, облыстың солтүстігінде, шығысында, оңтүстігінде екпіні 23-28 м/с дейін жетеді.

Өскемен қаласында  таңертең және күндіз найзағай күтіледі. Жел оңтүстік-шығыстан соғады, найзағай кезінде екпіні 17-22 м/с дейін жетуі ықтимал.

Сондай-ақ төтенше жағдай қызметі облыс аумағында өрт қаупі сақталатынын ескертеді.