Зиялы қауыммен кездесті
Президенттікке кандидат Қасым-Жомарт Тоқаевтың республикалық қоғамдық штабы мүшелері Жамбыл, Қызылорда облыстарында жұртшылықпен кездесті.
Этномәдени бірлестіктер өкілдерімен кездесуде республикалық штаб басшысы Ерлан Қошанов қоғамды дамытудың басты шарты келісім екенін атап өтті.
Бұдан соң РҚШ мүшелері өңірдегі ЖОО оқытушыларымен, студенттерімен сайлауалды бағдарламаның білім-ғылым саласындағы басымдықтарын талқылады. Ардагерлермен, зиялы қауым өкілдерімен кездесуде сайлауалды бағдарламадағы мәдениет пен өнерді қолдау шараларына назар аударылды. Көпбалалы аналармен кездесуде әлеуметтік мәселелер талқыланды.
Штабтың сайлаушылармен кездесуі Қызылорда облысында жалғасты. Кәсіпкерлермен, аграршылармен кездесуде өңірдегі көлік және әлеуметтік инфрақұрылымды дамыту мәселелері сөз болды.
Қызылорда жылу электр орталығы ұжымымен кездесуде РҚШ мүшелері коммуналдық шаруашылықтағы кандидат ұсынған реформалар туралы айтты. Ал айтыскерлермен, жыршылармен болған кездесуде кандидаттың мәдениет пен өнерді дамытуға бағытталған сайлауалды бастамалары талқыланды.
