Жерлесіміз бас жүлдені жеңіп алды

«Қазақстан» ұлттық телеарнасының «Таңшолпан» бағдарламасы Тәуелсіздігіміздің 25 жылдығына орай «Тәуелсіздікке тарту» атты жыр мүшәйрасын өткізген болатын.

Республиканың әр түкпірінен 380-нен артық көрермен қатысқан аламанда жерлесіміз, Көкпекті ауданы Үлкенбөкен ауылдық округінің әкімі Нұрлан Назарханов та бақ сынап, бас бәйгені жеңіп алды. Іріктеуден өткен 25 әуесқой ақындардың ішінде «Жырым бар арқалаған жарты ғасыр» өлеңдер жинағының авторы, әкімдікті және ақындықты қатар алып жүрген жерлесіміз жерлестерін Астананың төрінен құттықтап қуантты. Желтоқсан көтерілісіне қатысушы жерлесіміздің жұмысына жетістік, шығармашылығына шабыт берсін дегіміз келеді.

Х.Марданова
Көкпекті ауданы