Жеңімпаздар марапатталды

01.05.2015

Облыстық «Дидар» газеті Ұлы Жеңістің 70 жылдығына орай өңіріміздегі жас тілшілер арасында «Күркіреп күндей өтті ғой соғыс…» атты тақырыппен Қазақстанның Халық жазушысы Әзілхан Нұршайықов атындағы ІІ облыстық шығармашылық байқауды жариялаған болатын. Кеше аталған байқаудың қорытындысы шығарылып, жеңімпаздар марапатталды. Айта кетейік, байқауға үміткерлерден 40-тан астам шығармалар келіп түскен-ді.

Сонымен аталған байқауда үржарлық Еламан Нүсіпов пен өскемендік Аяужан Ибрагимова І орын иегері атанса, Абай ауданы, Тоқтамыс ауылының тұрғыны Сандуғаш Әбішева, Жарма ауданы, Қапанбұлақ ауылының тұрғыны Ұлпан Социалова мен өскемендік Дастан Рақымғалиев ІІ орынды иеленді. Үшінші орынды Құралай Серікқызы, Айгүл Манап (екеуі де Өскеменнен) пен Тарбағатай ауданы, Жаңаауыл ауылының тұрғыны Күлпаш Балтабаева өзара бөлісті. Жүлдегерлерді «Шығыс-Ақпарат» ЖШС директоры Нұржан Қуантайұлы, облыстық «Дидар» газетінің редакторы Уәлихан Тоқпатаев пен республикалық «Егемен Қазақстан» газетінің құрметті тілшісі, ардагер-журналист Оңдасын Елубай құттықтап, сый-сияпаттарын табыс етті.

Шығыс-Ақпарат

01.05.2015

Қоғам

Жеңімпаздар марапатталды

30.12.2014

29 желтоқсанда облыс әкімі ғимаратының мәжіліс залында Шығыс Қазақстан облысы мемлекеттік органдары сайттарының Х жыл сайынғы конкурсының жеңімпаздарын марапаттау өтті.
2014 жылғы конкурсқа мемлекеттік органдардың 45 Интернет-ресурсы қатысты.
Әділқазылар құрамына Қазақстан Республикасы Инвестициялар және даму министрлігінің Байланыс, Ақпараттандыру және ақпарат комитеті (Астана қ-сы), «Ұлттық ақпараттық технологияла» АҚ, «Восток Он-лайн» компаниясы, «Экология-Молодёжь-Инициатива-Развитие» қоғамдық қоры өкілдері кірді.
Номинациялар келесідей бөлінді:
1. «Әкімдіктер арасындағы үздік ақпараттық толтырылым» номинациясын Жарма ауданы әкімінің сайты иеленді.
2. «Басқармалар арасындағы үздік ақпараттық толтырылым» номинациясын Шығыс Қазақстан облысы экономика және бюджеттік жоспарлау басқармасы иеленді.
3. «Үздік Usability сайт» номинациясы бойынша Көкпекті ауданы әкімінің сайты жеңімпаз атанды.
4. «Үздік дизайнерлік шешім» номинациясы бойынша Шығыс Қазақстан облыстық соты мен Абай ауданы әкімінің сайттары жеңіске жетті.
5. «Мемлекеттік тілдегі үздік веб-сайт» номинациясында Өскемен қаласы әкімінің сайты жеңімпаз атанды.
6. «Электрондық қызметтерді жылжытқаны үшін» атты арнайы номинация Тарбағатай ауданы әкімінің сайтына берілді.
7. «Сарапшылар көзайымы web-сайты» номинациясында Ұлан ауданы әкімінің және Бородулиха ауданы әкімінің сайттары жеңіске жетті.
8. «Үздік орфографиялық және стилистикалық ресімдеу» номинациясын облыстық жер қатынастары басқармасы мен Аягөз ауданы әкімінің сайттары бөлісті.
9. Басқарманың/Департаменттің үздік сайт болып Төтенше жағдайлар департаменті атанды.
10. Әкімдіктің үздік сайты болып Бесқарағай ауданы әкімінің сайты атанды.
11. Сонымен Гран При ШҚО мәдениет, мұрағаттар және құжаттама басқармасына берілді.
Жеңімпаздардың барлығы облыс әкімінің грамотасымен марапатталды.