Жағалау көріктендіріліп, көшелер жөнделіп жатыр
Аймақ басшысы Даниал АХМЕТОВ Семейге келген сапарында жағалауда атқарылып жатқан жұмыстарға назар аударды. Мердігерлер алдағы уақытта оң жағалауды үш деңгейлі түрде жөндеп, қалыпқа келтірмек.
-Бұл жерге ең бастысы, электр энергиясын беріп, сумен қамту керек. Тұрғындар көгалы, жапырағы мол, тұмса табиғатқа келіп, демалсын. Ал түнде күндізгідей жарық болғаны жөн, деді облыс әкімі.
Облыс басшысы Шәкерім даңғылымен қиылысатын бірнеше көшедегі орта деңгейлі жөндеу жұмыстарымен де танысты. Мердігер мекеме «ГорДорстрой» ЖШС-нің директоры Бауыржан Қайрамбаевтың айтуынша, жолдары жөнделіп, құдықтар монтаждалып жатыр. Сондай-ақ, аймақ басшысы М. Дулатов, Герцен, М.Елемесов, М.Жұмабаев, Ш.Қаржаубайұлы көшелеріндегі атқарылып атқан жұмыстармен танысты.
-Бұндағы асфальт беткейлер өте жаңа, бұл тек Еуропада ғана қолданылады,-деді облыс басшысы,-әрине, асфальты қымбат, бірақ сапасы өте жоғары. Қала бойынша 22 шақырым бойынша орта деңгейлі жөндеу жұмыстары жүргізіледі. Келер жылы мұны көбейтеміз. Тұрғындар шыдамды болғаны жөн. Бұл жерде жөндеу жұмыстары жүріп жатқандықтан түсіністікпен қараңыздар. Тамыз айына дейін жөндеу бітеді. Содан кейін 11 шақырымды жөндеу үшін 758 миллион теңге бөлінетін болады. Сөйтіп, қала ішіндегі жолдар едәуір жақсарады.
Облыс басшысы атбасын бұрған Семейдегі тұрғын үй құрылысының материалдарын шығаратын «Сәт Транс» ЖШС-нің иелігіндегі комбинат өнімдері үй салумен айналысатын компаниялардың сұранысын орындап отыр. Ди¬рек¬торы Нұрлан Байбековтің айтуынша, мұнда шы¬ғарылатын материал ірі панельді үй¬лер¬дегі материалдармен салыстырғанда екі есе жеңіл әрі құрамындағы темір үш-төрт есеге дейін аз болып келеді. Тағы бір тиім¬дісі – бағасы да қолжетімді. Ком¬би¬натта өндірілетін бетон плиталар өте түзу бо¬лып шығады. Соның нәтижесінде салы¬натын баспана өте жоғары дәлдікте тұр¬ғы-зылады. Сондай-ақ, облыс басшысы «Теміржолвокзалы» аумағының абаттандырылу жұмыстарымен танысты. Осындағы Қабанбай батыр ескерткішін қалыпқа келтіру, көгалдандыру жұмыстарына орай бірқатар тапсырмаларын берді.
Раушан НҰҒМАНБЕКОВА
