Жаңа технологияны пайдаланып отыр

Қалбатау ауылының жолдарын күрделі жөндеуден өткізуге соңғы үш жылда 280 млн. теңге жұмсалған.

– Ауылдың ішінде батпақты жерлер көп болғандықтан, жолдарды жаңа технологиямен жөндеуге тура келуде. Оларға жай ғана асфальт төсеуге келмейді. Алдымен 1,2-1,5 метрге дейін қазып, батпақты алып тастаймыз да, шұңқырды тас грунтпен толтырамыз. Содан кейін ғана асфальт салынады, – дейді Жарма аудандық тұрғын үй-коммуналдық шаруашылығы, жолаушы тасымалдау көлігі және автокөлік жолдары бөлімінің басшысы Берік Самежанов.

Бұл жоба жай жол жөндеуге қарағанда екі есеге қымбатқа түскенімен, өзін-өзі ақтайды. Қазір ұзындығы 4,1 шақырым Абай көшесінің үш шақырымы жөнделіп болған. Ал 2010-2011 жылдары ауылдың басты көшелерінің бірі – Қабанбай көшесі де осындай технологиямен жөнделіпті.