Жаңа баспаналар көптеп салынып жатыр

Өскеменде биыл 87 мың шаршы метр тұрғын үй пайдалануға берілді, былтыр мен салыстырғында 49 пайызға артық. Жыл соңына дейін тағы төрт көпқабатты тұрғын үй пайдалануға берілмек.
Биыл қала тұрғындарына 19-ықшам ауданнан «Қазақстанның тұрғын үй құрылыс жинақ банкі» АҚ мен «Қазақстан ипотекалық компаниясы» АҚ желісі бойынша 378 пәтер берілген. Қазіргі күні осы ықшам ауданда «Нұрлы жол» және «Самұрық-қазына» бағдарламалары бойынша 20 көпқабатты тұрғын үй салынып жатыр.
Алдағы жылдары Сәтбаев даңғылында екі бес қабатты, облыстық мешіт жанында тоғыз қабатты тұрғын үй салу жоспарланып отыр. Бұл жерлерде қонақүй, әкімшілік ғимараттар мен балабақша да салынбақ. Ал қаладағы ипподром ауданында көпқабатты тұрғын үйлері бар үш ықшам аудан бой көтеретін болады. Бұл тұрғын аудандарға инженерлік-коммуникациялық құрылымдар жүргізуге «Нұрлы жол» бағдарламасы аясында Ұлттық қордың қаражаты, Еуропалық қайта құру және даму банкінің, жеке тұлғалардың инвестициялары тартылуда.

Шығыс-Ақпарат