Юлия Галышева қола жүлдегер атанды

Австрияның Крайшберг тау шаңғысы шипажайында фристайлдан өтіп жатқан Әлем чемпионатында өскемендік могулшы Юлия Галышева қола жүлдеге қол жеткізді.
Әлем біріншілігінен ақпарат таратушы ресми сайттардың жариялаған мәліметіне сүйенсек, жұптық могулден болған бәсекеде американдық Ханна Кирни чемпион атанса, канадалық спортшы Жюстин Дюфур-Лапойнт күміс жүлде иеленді.
Юлия үшінші орын үшін бәсекеде атышулы апалы-сіңлілердің бірі Хлоя Дюфур-Лапойнттен басым түсті. Бұған дейін осы әлем біріншілігінде могулден өткен жарыста Юлия бесінші орынды қанағат тұтқан болатын.
Естеріңізге сала кетейік, былтырғы 13 желтоқсанда Финляндияда өткен Әлем кубогі кезеңінде жұптық могулден Юлия Галышева жартылай финалда Ханна Кирниді, финалда дәл осы Хлояны ұтып, жеңімпаз атанған болатын.

Шығыс ақпарат