Өскемендегі «Онкоорталық» бастауыш партия ұйымының жиынында Amanat партиясы саяси тұғырнамасының жобасы талқыға салынды.
– Amanat қоғам мен мемлекет игілігі үшін бар жауапкершілікті мойынына алып, жұмыс істеп келеді. Осы орайда ұлт келешегі мен қауіпсіздігі үшін саяси тұғырнамасының жобасын әзірлеп, көпшілік талқысына ұсынып отыр, – деді бастауыш ұйым төрайымы Анна Кухарева.
Жиында бастауыш ұйым мүшелері саяси құжаттың әр бағыты да маңызды екенін атап өтті.
– Жаңа саяси тұғырнаманың заман талабына сай жасақталғаны көңілден шығып отыр. Партия мүшесі ретінде саяси құжаттағы барша бастамаларды қолдауға дайынмын, – деді жиынға қатысқан онколог Бекзат Мұқадиева.
Басқосу соңында қалалық партия филиалының ХХІХ кезектен тыс конференциясына делегаттар сайланды.
