Теріскейде шаруалармен кездесті
Президенттікке кандидат Қасым-Жомарт Тоқаевтың республикалық қоғамдық штабының мүшелері Солтүстік Қазақстан облысы тұрғындарымен бірқатар кездесу өткізді.
Штаб мүшелері «Петерфельд Агро» өндіріс базасында шаруалармен, ауылшаруашылық тауарларын өндірушілермен кездесіп, саланы дамытуға арналған шараларды талқылады.
Бескөл ауылында жұртпен кездесіп, өңірлер инфрақұрылымын дамыту жөніндегі бастамаларды талқылады. Қозыбаев университетіндегі жастармен кездесуде барлық жасты әлеуметтік-экономикалық тең мүмкіндіктермен қамтуға қатысты сайлауалды бастамаға назар аударды.
Облыстық ғылыми кітапханада жергілікті сарапшылармен кездесіп, кандидаттың азаматтар құқығын қорғауға, жемқорлыққа қарсы іс-қимылға, мемлекеттік аппарат тиімділігін арттыруға қатысты басымдықтарын талқылады.
«Raduga KDR» компаниясының, «Alageum Electric» зауытының ұжымдарымен кездесулерде бағдарламадағы қауіпсіз еңбек ортасын құру, еңбек заңнамасын ырықтандыру мәселесін түсіндірді.
