Татулық пен ынтымақтың ордасы

Жалпы, Қазақстан халқы Ассамблеясы нәтижелі консуль­тациялық кеңес беруші құ­ры­лымнан өзінің парламенттік өкілі бар жалпыхалықтық инс­ти­тутқа айналғаны бүгінде баршамызға аян.

Еліміздегі бұл ұйым татулық пен ынтымақтың, береке мен бірліктің ордасына айналғалы қашан.  Елбасы Нұрсұлтан Назарбаев Қазақстан халқы Ассамблеясын құру идеясын алғаш рет 1992 жылы Тәуелсіздіктің бірінші жылдығына арналған Қазақстан халықтарының форумында жария етті. 1995 жылғы 1 наурызда Президенттің Қазақстан халқы Ассамблеясын құру туралы Жарлығы шықты. Бүгінгі күн биігінен қарағанда бұл өте дұрыс, өте дәл мезгілде шыққан шешім болғаны анық.

«…Ассамблея аза­мат­тық қоғамның әмбебап құ­ры­лы­мының барлық үздік сипаттамасына ие болып, достық, бейбітшілік, тыныштық пен се­нім Қазақстанның қоғамдық өмі­рінің ажырамас бөлігіне айналуы үшін маңызды үлес қосты. Тәуел­сіздігіміздің дамуы мен ұлт­тың қалыптасуы жолында дәл осы­лар негізгі алғышарт болды. Бар­лы­ғымыз да бұл жетістікке ең ал­­дымен түгел халықтың, аза­мат­тары­мыздың арқасында  жетке­німізді жақсы түсінеміз», – деді Елбасы Нұрсұлтан Назарбаев  ҚХА «Бір шаңырақ астында-биік мақсаттарға»  деп аталған кеңес барысында. Шынында да бұл сонау 1995 жылғы қиын кезең болатын. Бір жүйеден шыға алмай, екінші жүйені құруда көптеген қиыншылықтарды бастан кешіп жатқан дәуір еді. Алайда сол бір алмағайып заманда елі үшін білек сыбанып шыққан Тұңғыш Президентіміздің нық басқан қадамы қалың халықтың еңсесін көтеріп, еліміз бір шаңырақ астында топтасып, тәуелсіз Қазақстанның Туын берік қолға алған еді.

Сондай-ақ Елбасы Нұрсұлтан Назарбаев Ассамблея кеңесінде Үкімет тарапынан елдің тұрақ­ты эконо­микалық дамуына, азамат­тардың әлеуметтік жағ­дайын және жалпы елдің әл-ауқатын арттыруға бағытталған дағдарысқа қарсы көптеген шаралар қабыл­данғанын атап көрсетті. Елбасы кәсіпкерлікті қолдау мен эко­номикалық дамудың  мемлекеттік бағдар­ламалары  көптеген қазақстандықтарды тұрақты жұмыспен қамтуға мүмкін­дік беретінін атап көрсетті. Қазіргі күнде Президент Қасым-Жомарт Тоқаевтың «Жаңа жағ­дайдағы Қазақстан: іс-қи­мыл кезеңі» атты Жолдауын іске асыру бойынша жұмыс жүргізіліп жатқандығын, оның басым бағыттарының айқын екендігін тілге тиек етті. Сондай-ақ Елбасы Қазақстанның этностық және мәдени әралуандығын бәсекелік артықшылыққа және елді дамытудың, тәуелсіздікті нығайтудың тиімді тетігіне айналдыру жұмыстарын жалғастыру қажеттігін,татулық, келісім мен бірлік мемлекеттік саясаттың негізгі бағыты болып қала беретіндігін атап көрсетті.

 Әлібек Тоқбаев,

Аягөз аудандық қоғамдық кеңесінің төрағасы