Студенттер университетке QR-код арқылы кіреді

Коронавирус індетінің таралуын тежеу мақсатында, Д.Серікбаев атындағы ШҚТУ-да “Ashyq”жобасы іске қосылады.

Енді университетке кіру үшін студент немесе мекеме қызметкері арнайы QR-кодты сканерлеуі тиіс.

Ол үшін не істеу керек?

Біріншіден, қосымшаны жүктеңіз. Содан кейін телефон нөмірі бойынша авторизациядан өтіп, кодты енгізгеннен кейін “кіру” пәрменіне өтіңіз.

Соңында — QR кодты сканерден өткізіңіз.

Түстер нені білдіреді?

Жасыл: қозғалыстарда ешқандай шектеу жоқ.

Көк: қозғалысқа ешқандай шектеу жоқ, бірақ ПТР ( ПЦР)тесті міндетті ұйымдарда көк мәртебесі бар азаматтарға кіруге рұқсат етілмейді.

Сары: қозғалысты ішінара шектеу (азық-түлік дүкендеріне, дәріханаларға баруға рұқсат етіледі).

Қызыл: қозғалысты шектейді.