Өскемендік Юлия Галышева күміс медальді иеленді

Фристайлдан АҚШ-тың Дир Вэлли қаласында өткен әлем кубогының үшінші кезеңінде өскемендік спортшы Юлия Галышева екінші орынға ие болды.

Могул бойынша сынға түскен Юлия тек америкалық Ханна Кирниге есе жіберді. Канадалық Максим Дюфур-Лапуан үшінші орынды еншіледі.

Сочидегі қысқы Олимпиада ойындары басталатын уақыт та күннен-күнге жақындап келеді. Ал спортсүйер қауым осы Олимпиадаға қатысатын спортшылардың әлемдік деңгейде өтіп жатқан бәсекелердегі қадамдарын қадағалап, жетістіктеріне қуанып, алдағы жарыстарда сәттілік тілеп отыр. Өскемендегі қысқы спорт түрлерінен облыстық жоғары спорт шеберлігі мектебінде шыңдалған Юлияның бұл нәтижесі Сочиде де жүлдегерлер қатары-нан орын алатындай мүмкіндігі бар екенін көрсетеді.

Шығыс-Ақпарат