Биыл Қазақстан бойынша біздің облыста алғаш рет пилоттық түрде Шығыс Қазақстан облысының жылу энергетикасы саласының қызметкерлерін қолдауға және ынталандыруға бағытталған «Шығыс маманы» ипотекалық бағдарламасы іске асырылады. Бағдарламаға қатысуға өтінімдер биылғы 15-30 сәуір аралығында қабылданады.
Өтініштер басқармада қабылданады
Қазір өңірде үш жылу электр станциясы мен 32 коммуналдық мекеме облыс тұрғындарына жылумен қамту қызметін көрсетіп жатыр. Оларда 2,5 мыңнан астам маман жұмыс істеп жатыр.
«Шығыс маманы» ипотекалық бағдарламасын жүзеге асыруға облыстық бюджеттен 300 млн теңге бөлініп отыр. Бұл қаржыға биыл 15 маман алғашқы және қайталама нарықтан несиеге пәтер немесе үй сатып ала алады. Бағдарламаның әкімшісі – облыстық энергетика және тұрғын үй-коммуналдық шаруашылық басқармасы. Бағдарлама «Отбасы банкі» АҚ мен бірлесе іске асырылады. Несие облыстағы жылу энергетика саласының қызметкерлеріне жылдық 5 пайыздық сыйақы мөлшерлемесімен беріледі. Пәтер алатын маман несиені бірден 5 пайыздық мөлшерлемемен төлейді, кейіннен несие пайызы 3,5 пайызға төмендетілмек. Несие қарызы 20 млн теңгеге дейін беріледі. Тұрғын үй бағасы асып кеткен жағдайда айырманы өтініш беруші өз қаражаты есебінен қосымша төлейді. Алғашқы жарна үшін баспана алушы азамат тұрғын үй құнының 10 пайызын алдын ала банкке салуға тиіс. Несиелеудің жалпы мерзімі – 19 жыл.
Облыстық энергетика және тұрғын үй-коммуналдық шаруашылық басқармасы тұрғын үй-коммуналдық щаруашылық бөлімінің басшысы Самат Сүлейменовтің айтқанындай, «Шығыс маманы» ипотекалық бағдарламасына өтінімдер аталған басқармада қабылданады.
Бағдарлама шарттары және өтінім беру бойынша кеңесті облыстық басқармадан (Өскемен қ., К.Либкнехт көшесі, 19, 2 қабат) және «Отбасы банк» АҚ филиалдарынан алуға болады.
Басқарманың «Шығыс маманы» бағдарламасы бойынша жауапты маманы: Гүлназ Бауыржанова, тел.: 8-(7232) 701-235, 8(705)281-19-00.
Пәтер сатып алу үшін бастапқы жарна – тұрғын үй құнының 10%.
Пайыздық мөлшерлеме – 5 %.
Несиелеудің ең ұзақ мерзімі – 19 жылға дейін.
Өтініш берушінің төлем қабілеттілігі «Отбасы банктің» ішкі құжаттамасына сәйкес айқындалады.
Ипотекалық бағдарламаға кім қатыса алады?
Жылу энергиясын өндіру, беру және бөлу бойынша қызмет көрсететін кәсіпорындарда жұмыс істейтін 18 жастан 50 жасқа дейінгі (қоса алғанда) Қазақстан Республикасының азаматтары.
Жылу энергиясын өндіру, беру және тарату бойынша қызметтер көрсететін табиғи монополиялар субъектілерінің қызметкерлері (мамандықтар тізіміне сәйкес).
Қатысушыларға қойылатын талаптар:
Қазақстан Республикасы азаматтығының болуы;
Шығыс Қазақстан облысында отбасының барлық мүшелері үшін тұрақты тіркеудің болуы;
Жұмыс орны бойынша тұрғын үйдің болмауы (соңғы 5 жылда);
Жұбайлардың тек біреуі бағдарламаға қатысу;
Шығыс Қазақстан облысының жылу энергетикасы саласының кәсіпорындарында жұмыс істеу.
Құжаттарды жұмыс комиссиясы қарайды
Аймақтық бағдарламаға қатысу үшін өтініш берушіге құжаттар пакетін (көшірме сканері) дайындау қажет болады. Назар аударатын жайт, бұл анықтамаларды алу күні өтініш жіберілген күннен бастап 10 күннен ерте болмауы керек:
Белгіленген нысандағы өтініш (облыстық энергетика және тұрғын үй-коммуналдық шаруашылық басқармасында беріледі);
Өтінім берушіге және Қазақстан Республикасы бойынша отбасының барлық мүшелеріне жылжымайтын мүліктің жоқ (бар) екендігі туралы анықтама;
Электронды үкімет веб-порталынан алынған соңғы жылдағы зейнетақы есептеулері туралы үзінді көшірме (egov.kz);
Мөр өтініш берушінің азаматтық жай-күйін растау (неке қию немесе бұзу туралы куәлік, баланың тууы туралы куәлігі, егер бар болса, мүгедектігі туралы анықтама);
Лауазымын, жұмыс кезеңін, жалақысының мөлшерін көрсете отырып, ресми бланкіде немесе ұйымның мөрімен расталған жұмысқа орналасу туралы анықтама;
Еңбек өтілін растайтын құжаттар (еңбек, қызметтік тізім және т.б).
Қажет болған жағдайда уәкілетті органның басқа растайтын құжаттарды сұратуға құқығы бар.
Сондай-ақ қажет болған жағдайда ШҚО энергетика және ТКШ басқармасы атынан уәкілетті органның басқа да растайтын құжаттарды сұратуға құқығы бар.
Өтінімдерді облыстық энергетика және тұрғын үй-коммуналдық шаруашылық басқармасы мына мекенжай бойынша қабылдайды: Өскемен қаласы, К.Либкнехт көшесі, 19, 2-қабаттағы кеңсе.
Қабылдау 2024 жылдың 15 сәуірінен басталып 30 сәуірге дейін (12 жұмыс күні) жалғасады, қабылдау уақыты сағат 9.00-ден 12.00-ге дейін.
Өтінімдерді қабылдау аяқталғаннан кейін барлық тілек білдірушілерден түскен құжаттарға тексеру жүргізіледі, оған 15 күнтізбелік күнге дейінгі мерзім беріледі.
Қазір «Шығыс маманы» өңірлік ипотекалық бағдарламасын іске асыру жөніндегі комиссияның құрамы бекітілді. Оның құрамына AMANAT партиясы облыстық филиалының өкілдері, облыстық мәслихаттың депутаттары, облыстық мемлекеттік еңбек инспекциясы басқармасының, кәсіпкерлік қызметкерлер кәсіподағының, сондай-ақ «Отбасы банк» АҚ облыстық филиалының өкілдері кіреді.
Биылғы 18 наурызда жұмыс комиссиясының бірінші отырысында бағдарламаны іске асыру кезеңдері, талаптарды бекіту және үміткерлерді бағалау критерийлері талқыланды. Өтініштерді қабылдау аяқталған күннен бастап 15 жұмыс күні ішінде бағдарламаға қатысушыларды іріктеу жүргізіледі. Өткен жағдайда қатысушыға конкурстан өткендігі туралы хабардар етіледі және бағдарламаға қатысушының қаржылық мүмкіндіктерін (кредит төлеу қабілеттілігін) айқындауға бағытталған «Отбасы банкі» АҚ іс-шаралар кешенін өткізу үшін келісімде бекітілген нысанда жолдама алады.
Қатысушы белгіленген мерзімде келмеген жағдайда жергілікті атқарушы орган бағдарламаға қатысуды кезектегі келесі өтініш берушіге беруге құқылы.
Тексеруден сәтті өткен жағдайда, азамат сатып алуға қолайлы баспана табуы керек. Ол үшін оған күнтізбелік 30 күнге дейінгі уақыт беріледі. Содан кейін 15 күндік мерзімде өтініш беруші мәміле жасасуға міндетті. Егер қандай да бір себептермен қатысушы өз міндеттемелерін орындамаса, әкімдік қатысуға жолдаманы тізім бойынша келесі үміткерге береді.
Өтініш берушілердің тізімі балдық жүйені ескере отырып (ең көп балл бойынша) санаттар (салалар) бойынша жасалады.
Әзірлеген – Жанаргүл Мұқатай
