ШҚО-да бүгін жаңбыр жауады

Бүгін еліміздің бірнеше өңірінде тұман мен бұрқасын желге байланысты дабылды ескерту жарияланды. Ал Шығыс пен Солтүстікте жаңбыр аралас қар жауады. Бұл туралы “Қазгидромет” РМК орталығының мамандары мәлім етті.

Әдетте қытымыр аязымен есте қалатын ақпан айы бұл жолы бөлек мінез танытпақ. Өйткені Шығыс Қазақстан облысының кей жерлерінде бүгін жаңбыр аралас қар жауады. Кей жерлерде бұрқасын, тұман, көктайғақ болады. Оңтүстік-шығыстан оңтүстік-батысқа ауысатын желдің жылдамдығы секундына 15-20 метрге дейін күшейеді.

Балауса Мэлсқызы