Ұрланған орден-медальдарды тауып берді
Ауданның тәртіп сақшылары Ұлы Отан соғысы ардагерінің ұрланған орден-медальдарын тауып, марқұмның туыстарына қайтарып берді.
Глубокое аудандық ішкі істер бөліміне 35 жастағы азамат келіп, көрші ауылда тұратын апасы мен апайының үйінен бақилық болған ардагер атасының орден-медальдары қолды болғаны туралы арыз түсірген. Полицияның жедел әрекет етуі нәтижесінде, ұрланған бірінші және екінші дәрежелі «Даңқ» ордені, Ұлы Отан соғысының ордені, Құрмет ордені, сондай-ақ 7 медаль, ескі ақшалар мен патша замандағы тиындар иесіне қайтарылды.
Іздестіру шаралары барысында аталған отбасы үшін аса құнды жәдігер болып табылатын дүниелерді ұрлаған, арыз жазушының апайымен бірге тұрған 36 жастағы бұрын сотталған азамат болып шықты. Ол өзінің кінәсін толық мойындап, жәдігерлерді қайтарып берді.
Серік Әбілхан
