Қосымша электр қуатымен қамтиды

Шығыс Қазақстанның аумағы арқылы жаңадан жоғары кернеулі электр қуатының желісі өтетін болады. Бұл өңірдегі қуат көзіне деген сұраныстың 500 Мегаватын қамтуға мүмкіндік береді.

Облыстық энергетика және тұрғын үй-коммуналдық шаруашылығы басқармасының бастығы Алмас Оңдақановтың дерегінше, қазіргі қызмет көрсетіп тұрған жоғары кернеулі электр желілері жүктеме артқан уақыттарда еліміздің аумағынан өтетін Ресейдің транзиттік қуат көздеріне тәуелді етеді. Ал қолға алынатын жаңа жоба ресейлік энергияға тәуелділікті жойып, тұтынушылар сұранысын қамтуға көмектеспек.