Ольга Рыпакова Бразилия Олимпиадасына қатысады

Лондон Олимпиадасының жеңімпазы Ольга Рыпакова Шанхайдағы халықаралық жарыста қола медаль иеленді.
Аталмыш жарыста қатарынан үш қарғып секіруден сынға түскен спортшы 14 метр, 38 сантиметрді бағындырыпты. Бұл көрсеткіш жерлесіміздің 2016 жылы Бразилияның астанасы Рио-де-Жанейрода өтетін Олимпиада ойындарына қатысуға мүмкіндік береді. Ал бірінші және екінші орындарды сәйкесінше колумбиялық және украиналық спортшылар иеленді. Осы орайда, алда өтетін Олимпиада ойындары О.Рыпакованың үшінші спорттық жеңісі болып саналатынын айта кеткен жөн.
Естеріңізге сала кетейік, О.Рыпакова 2012 жылы Лондонда өткен Олимпиада ойындарында үш қарғып секіруде 14 метр, 98 см ұзындықты бағындыру арқылы жеңіске жеткен болатын. Сондай-ақ, спортшы 2011 жылы Әлем чемпионатында күміс жүлдені қанжығасына байлаған еді.

Ажар Сағатбекова