Сайлау күні облыстық ана мен бала орталығының № 60 жабық сайлау учаскесінде ерекше атмосфера орнады. Орталықта Қазақстанның болашағы үшін 250 болашақ ана мен жас босанған әйел өз таңдауын жасады. Айтпақшы, 20 қарашада өңірімізде 15 нәресте дүние есігін ашты. Олардың алтауы атұстар да, тоғызы кестетігер. 
Облыстағы 11 мыңға жуық медициналық қызметкер еліміздің ертеңі анықталған күні белсенді азаматтық ұстанымдарын көрсетті.
-Бүгін қазақстандықтар үшін ерекше күн – Ел Президентін сайлау. Әркімнің дауысы маңызды. Облыстық фтизиопульмонологиялық орталықтың барлық ұжымы белсенді азаматтық ұстанымын көрсете отырып, өзінің конституциялық құқығын пайдаланды. Біз еліміздің болашағына сенімдіміз. Елімізге бейбітшілік пен өркендеуді тілейміз!,- дейді облыстық ФТПО дәрігерлері.
Ақ халаттылар өздерінің азаматтық борышын жұмыстан қол үзбей орындағанын атап өткен жөн.
-Біздің өміріміздегі маңызды оқиға – Президент сайлауы өтіп жатыр. Облыстық онкологиялық орталық ұжымы белсенді азаматтық және саяси ұстанымын көрсетті. Бүкіл ұжымға ілгерілету, сәттілік, денсаулық тілеймін. Біздің әрқайсымыз дауыс бере отырып, Отанымыз – Қазақстан мен орталығымыздың одан әрі өркендеуіне негіз салдық,- деді облыстық көп бейінді онкология және хирургия орталығының директоры Анна Кухарева.
Облыстық денсаулық сақтау басқармасының баспасөз қызметі хабарлағандай, қазіргі уақытта шетелде оқуда жүрген шығысқазақстандық дәрігерлер де кезектен тыс президенттік сайлауда дауыс беру құқығын алғашқылардың бірі болып пайдаланды.
-Сайлауға қатысу-әрбір азаматтың мемлекет алдындағы борышы деп ойлаймын. Біз өз таңдауымызды жасай отырып, мемлекеттік іске белсенді қатысуымыз керек. Біздің мемлекетіміздің орнықты дамуы мен нығаюына әркім өз үлесін қосуы керек деп санаймын. Сондықтан да мен облыс әкімінің қолдауымен үшдеңгейлі оқу бағдарламасы бойынша шетелде оқып жүрсем де, азаматтық парызымды орындап, еліміздің болашағы үшін өз дауысымды бердім,-деп бөлісті №4 қалалық аурухананың анестезиолог-дәрігер Қанат Алтынханов.
Қазір Өскемендегі 4 қалалық аурухананың 13 қызметкері Мәскеу мен Санкт-Петербургтің жетекші клиникаларында тағылымдамадан өтуде.
Айта кетейік, облыс бойынша әрбір емдеу мекемесінде, стационар жағдайында пациенттер дауыс бере алатын жабық сайлау учаскелері ұйымдастырылды.
