Облыстық «Дидар» газетінің ең алғашқы нөмірі шыққан күніне (1931 жылы 24 қазан) орай редакция ұжымына тілек

Уа, «Дидардың» қаламгер қырандары!

Жан серік болған қаруың,

Қаламдарың мұқалмасын!

Қиындықпен күресіңдер,

Жүйкелерің жұқармасын!

Жақсылықты жария етіп,

Күллі әлемге көрсетіңдер!

«Жаман қылық – жанға қас,

Жолама» деп ескертіңдер.

Оқырман үшін мәңгілік,

Көзі мен құлағы болыңдар!

Оқымаса аңсап тұрар,

Балдай тәтті бұлағы болыңдар!

Көңіл-күйін жайлап алар,

Тамсандырар жыры болыңдар.

Таңғажайып мақаламен,

Жанын сергітер сыры болыңдар!

Табынатын, сыйынатын,

Оқырман қауым тірі болыңдар!

Шындықты жазсаң шайқалмайтын,

Мұртаза Шер-ағаңдай ірі болыңдар.

 Мәуітқазы Зүкенов, ардагер, журналист-ақын