Өнеркәсіптерде бос жұмыс орындары көп

Шығыс Қазақстан облысы бос жұмыс орындары жағынан еліміздің басты қалалары – Астана және Алматыдан кейін үшінші орында тұр.

Статистика агенттігінің мәліметіне жүгінсек, ағымдағы жылдың басындағы жағдай бойынша бос жұмыс орындардың көбі өңірлердегі ірі және орташа кәсіпорындарда байқалған.

Атап айтсақ, Астанада – 5044 бос орын, Алматыда – 4964 жұмыс орны бар, ал Шығыс Қазақстанда – 3 039 жұмыскердің орны бос тұр.

Елордада көбінесе денсаулық сақтау мен әлеуметтік қызмет көрсету, оңтүстік астанада сауда-саттық, автокөлік жөндеу салаларының мамандары жетіспесе, ал біздің облыста өнеркәсіп орындарына жұмыскерлер қажет екен.