Мектептер қысқы маусымға дайын
Қыс қыр астында. Үржар ауданындағы Мақаншы ауылдық округіндегі мектептердің қысқы мерзімге дайындығы туралы ауыл әкімі Советхан Қалиев айтып берді.
Берікхан ТАЙЖІГІТ, Үржар
– Қысқы жылыту маусымына мектептердің дайындығы жақсы. Мақаншы ауылындағы үш мектептің жылу қазандықтары қысқа толық дайын. Қазір отын-көмір тасылып жатыр. Мәселен, Найманбай атындағы орта мектепке көмірдің қажеттілігі 518 тонна болса, қазір соның жартысынан астамы түсірілді. Сейфуллин атындағы орта мектепке көмірдің қажеттілігі 591 тонна болса, бүгінде көмір 100 пайыз түсірілді. Мақаншы орта мектеп-бақшасына көмірдің қажеттілігі 451,7, орталықтағы 128 орындық балабақшаға көмірдің қажеттілігі 197 тонна. Аталмыш білім ордаларына көмір кестеге сәйкес түсіріліп жатыр. Балалар шығармашылық үйіне 72 тонна көмір қажет болса, қатты отын толық түсірілді.
