Мақсат қолаға қол жеткізді

Өскемендік таэквондошы Мақсат Қаби Оңтүстік Кореяның Чхунчхон қаласында аяқталған «Chuncheon Korea Open» халықаралық турнирінің жүлдегері атанды.

30 маусым мен 7 шілде аралығында өткен байрақты бәсекеге әлемнің 70 елінен үш мыңнан астам спортшы қатысты. Бұл жарыс рейтингтік болғанын айта кеткен жөн.

Мақсат Қаби бұған дейін Азия чемпионатының қола жүлдесіне қол жеткізіп, ІV республикалық жастар ойындарының күміс жүлдегері және Kazakhstan Open-2017 жарысының жеңімпазы атанған. Корей елінде өткен жарыста өскемендік спортшы өз салмақ дәрежесінде үздік үштікті түйіндеп, турнирдің қола жүлдесіне ие болды.

Сәрсен Қабылым