Ұлы Жеңістің 70 жылдығына орай жас тілшілер арасындағы Әзілхан Нұршайықов атындағы ІІ облыстық шығармашылық байқау

«Шығыс-Ақпарат» Әзілхан Нұршайықов атындағы жыл сайын өтетін байқауын жариялайды
Бұл байқауға жас журналистер, студенттер, жоғарғы сынып оқушылары, мұғалімдер, тарихшылар мен жергілікті өлкетанушылар және өзге де мамандық иелері қатыса алады. Қойылар шарт – байқауға қатысушылардың жас мөлшері 18-ден 35 жасқа дейін болуы керек.

БИЫЛҒЫ БАЙҚАУДЫҢ ТАҚЫРЫБЫ ҰЛЫ ЖЕҢІСТІҢ 70 ЖЫЛДЫҒЫНА ОРАЙ «КҮРКІРЕП КҮНДЕЙ ӨТТІ ҒОЙ СОҒЫС» ДЕП АТАЛАДЫ
Жанрды автор өзі таңдай алады. Байқауға қатысушылар соғыс, майдан, қазақ жауынгерлері тақырыбында мақала жазып, жұмыстарын 31-наурызға дейін жолдауға тиіс.
Әрбір материалдың көлемі 3-5 машинкалық беттен аспауы керек. Мәтіннің электронды нұсқасы word форматында болуы шарт.
Байқауға қатысушылар 2015 жылдың 3-ақпаны мен 31-наурыз аралығында мақалалары мен шығармаларын ұсына алады.
Қабылданған материалдар қазылар алқасының сүзгісінен өтіп, іріктеледі.
Байқау қорытындысында дара шыққандар «Шығыс-Ақпарат» ЖШС-іне және «Дидар» газетінің редакциясына шақыртылып, сертификаттар мен ақшалай сыйлықтар табысталады.

Шығармаларыңызды күтеміз. Пошталық мекенжай: 070003, Өскемен қаласы, Космическая көшесі, 6\\3, «Шығыс-Ақпарат» ЖШС. Материалдар «Байқауға» деген белгімен жолдануы тиіс.
Электронды мекенжай: didar@media-vko.kz
Байланыс телефондары: 87232 759619