Әлем біріншілігінің күмісін иеленді

Польшаның Быдгощ қаласында өткен еркін күрестен Әлем біріншілігінде семейлік Азамат Дәулетбеков күміс жүлдені қанжығасына байлады.

Жасы 23-ке дейінгі балуандар арасында тұңғыш рет ұйымдастырылған әлемдік додада жерлесіміз 86 келіге дейінгі салмақта өнер көрсетті.

Жарыс барысында Азамат Қытай елінің өкілі Зушен Линді 10:0 есебімен, әзірбайжандық балуан Гаджымурат Магомедсаидовты 6:2 есебімен, грузин мықтысы Ираклий Мцитуриді 7:1 есебімен және Куба чемпионы Лазаро Эрнандесті 9:4 есебімен тізе бүктірген болатын.

Алайда ақтық сында жерлесіміз ресейлік Алихан Жабраиловқа 7:8 есебімен жол берді.

Айта кетейік, Польшадғы додаға еліміздің атынан барлығы 16 балуан қатысқан-ды.

Нұржан Кенжеұлы