Кәсіпкерліктің қыр-сырына үйретеді

Риддер қаласында «Даму» кәсіпкерлікті дамыту қорының мұрындық болуымен кәсіпкерлікті қолдау орталығы ашылды.

– Орталықтың негізгі қызметі – жұмысын жаңадан бастаған және тәжірибе жинақтаған кәсіпкерлерге кешенді көмек көрсету. Кәсіпкерлер енді қажетті ақпараттарды облыс орталығына бармай-ақ осы жерден ала алады, – деді салтанатты жиынға қатысқан облыстық кәсіпкерлік және өнеркәсіп басқармасының бастығы Шәкәрім Бұқтұғұтов.

Мұнда сондай-ақ, «Бизнестің жол картасы» бағдарламасы және екінші деңгейлі банктермен жұмыс істеу бойынша, бизнес өкілдерінің қызметін жеңілдетуге, іскерлік сауатын көтеруге, бизнес жоба жасауға кеңестер беріліп, арнайы сабақ жүргізіледі.