Кезек күтудің қажеті қанша?

• Көзімде катаракта дерті болғандықтан окулист дәрігерге жазылуым керек еді. Бірақ тіркеу бөліміндегілер алдымен терапевт дәрігерге баруым керек екендігін айтады. Оған бару үшін төрт күн кезек күтуім керек. Дертім белгілі бола тұра терапевтке барудың қажеті қанша? 

  Сіздің сұрағыңызға еліміздің Денсаулық сақтау министрлігі былай деп жауап берді:

  Сонымен қатар азаматтардың көптеген өтініштерін ескере отырып, қазіргі уақытта министрлік «Амбулаториялық жағдайда мамандандырылған медициналық көмек көрсету қағидаларын бекіту туралы» бұйрық жобасын әзірледі, онда белгілі бір жағдайларда жалпы практика дәрігерінің жолдамасынсыз консультациялық-диагностикалық қызметтер көрсету көзделген:
  – шұғыл жағдайлар мен жарақаттар, оның ішінде офтальмологиялық, оториноларингологиялық және басқа да жарақаттар;
  – шұғыл және жоспарлы стоматологиялық көмек көрсету;
  – дерматовенерологиялық бейіндегі аурулар;
  – тіркелген жері бойынша акушер-гинеколог пен психологқа қабылдау;
  – онкологиялық және гематологиялық бейіндегі ауруларға күдік болғанда;
  – динамикалық бақылау ауруының бейіні бойынша;
  – жастар денсаулық орталықтарына;
  – бір жағдай шеңберінде бейінді маманға қайта қабылдау кезінде;
  – жылжымалы медициналық кешендер қызметін көрсету кезінде және т. б.

  Бұдан басқа жағдайларда бейінді мамандарға жазылу учаскелік терапевт дәрігер қарауынан кейін мүмкін, яғни ауру көрсеткіштері болған кезде пациент бейінді маманға жолданады.

  «Халық денсаулығы және денсаулық сақтау жүйесі туралы» Кодекске сәйкес бейінді мамандарға жазылу учаскелік дәрігердің қарауынан кейін жүзеге асырылады, көрсетілімдер болған кезде пациент бейінді маманға жіберіледі.

 Оралбек Нұрмұханұлы

Ұлан ауданы