Көкпектіде дүкен иелері жауапқа тартылды
![](https://didar-gazeti.kz/wp-content/uploads/2020/05/5d4a97d75a557.jpg)
Көкпекті ауданында жеті дүкен иесіне айыппұл салынған. Азық-түлік бағасын негізсіз өсіруге жол берген сауда орындары осындай жауапкершілікке тартылмақ.
Мемлекет басшысы әлеуметтік маңызы бар жоғары тауарлар мен азық-түлік түрлерінің бағасы негізсіз өспеуін және тапшылығы болмауын жергілікті атқарушы орган жетекшілеріне ұдайы назарда ұстау қажет екендігін тапсырған болатын.
– Президенттің осы тапсырмасын орындау мақсатында аудан әкімі Асхат Смаиловтың тікелей бақылауымен Көкпекті, Самар ауылдарындағы сауда нысандарында азық-түлік бағалары арнайы құрылған жедел штаб қызметкерлерінің көмегімен тексерілді. Нәтижесінде аудан орталығында жеті дүкен иесіне азық-түлік бағасын орташа бағадан күрт өсіргені және сақтық шараларын қолданбағаны үшін айыппұл салынып, Самар ауылында тоғыз дүкен жұмысын тоқтатты. Алдағы уақытта да дүкендердегі азық-түлік бағасы назарда болып, бақылау жүргізілетіні айтылды, – дейді аудандық ішкі саясат бөлімінің басшысы Азамат Халық.
Лаура Тілеубайқызы
Көкпекті ауданы.