Газ құбыры жөнделді

Техникалық апатқа байланысты жылусыз қалған Зайсан ауданындағы 9 ауылға газ беріліп жатыр.

Естеріңізге салар болсақ, 1 қараша күні сағат 12.00-де Зайсан ауданындағы 9 ауылды газбен қамтамасыз ететін жоғары қысымды магистральдық құбырдан газ шығып, салдарынан елді мекендер газсыз қалған еді.

Атап айтқанда, Қарабұлақ, Кеңсай, Қайнар, Айнабұлақ, Жамбыл, Көгедай, Шалқар, Қаратал және Үлкен Қаратал ауылдары.

– Магистральдық газ құбырын жөндеу жұмыстары аяқталды, қазіргі уақытта ауылдарға газ тартылып жатыр. «ҚазТрансГаз» бен «Интергаз» мекемелерінің мамандары газ реттеу жұмыстарын жүргізу үшін әр ауылға барып, арнайы құрылған штаб мүшелерімен бірге үйлерді аралап шығады, – деп хабарлайды аудан әкімдігі.

Ержан Кеңесұлы