ЕЗУТАРТАР
Емтихан жүріп жатыр. Студент үстел үстіндегі билеттің бірін суырып алып, қайтадан орнына қоя салады. Оқытушы таңғалып:
– Неге билетті қайтадан қоя салдың, қанеки, қайтадан ал, қай билет?!
– Бұл 13-ші билет екен, ырымға қатты сенемін!
– Сандырақ, қанеки, ал билетті!
Оқытушы билеттердің ішінен 13-ші билетті өзі тауып алып, студенттің қолына ұстатады. Бірақ студент 13-ші билетке «беске» жауап береді. Дәлізде оны қоршап алған курстастары:
– Барлық сұраққа жауап бердім дейсің бе, жарайсың. Бұл жолы қатты дайындалыпсың!
Жоқ, 13-ші билетті ғана білетінмін.
***
– Өскенде кім болғың келеді, Жанқош?
– «Оңбаған» болғым келеді.
– Қой, қайдағыны айтпа.
– Елдің бәрі айтады ғой: «Коттеджін қара оңбағанның, қандай керемет! Әйелін қарашы оңбағанның, қандай ақылды! Машинасын қара, қандай су жаңа, оңбаған» деп. Мен де сондай «оңбаған» болғым келеді.
***
Әйелі күйеуіне:
– Маған жылы сөз айтшы…
– Қояным…
– Осы-ақ па, аз ғой.
– Бір топ қояным!
***
Биология сабағы.
– Бәлембаев, маған екі жабайы аңды аташы.
– Арыстан және… ұмытып қалдым.– Білмейсің, отыр, екі.
– Түгленбаева, маған үш жабайы аңды ата.
– Арыстан, жолбарыс, м-м-м.
– Отыр, екі.
Үшінші оқушыға:
– Ал енді сен ата бес жабайы аңды!
– Екі арыстан, үш жолбарыс, апай!
***
– Мама, тіс пастасының ішінде қанша паста бар?
– Білмеймін, балам.
– Мен білемін, ваннадан менің бөлмемдегі төсекке дейін, сосын қонақ бөлмедегі үстелді айналып отырып, ас үйге барғанға дейін жететін паста бар.
***
Апасы бір жасар немересіне:
– Әне, қарашы, «би-бип» келе жатыр.
– Жо-о-оқ, апа-а, ол джи-и-п «Ланд крузер»
***
– Білесің бе, шаштың түріне қарап жігіттің мінезін білуге болады.
– Қалай?
– Шашы жұмсақ болса, мінезі жұмсақтау келеді, қатты болса, құрысын, өте қиын, айтқанын орындатқызбай қоймайды…
– Шашы түсіп қалған қасқабас, тақыр бас болса ше?
– Оларды түсіну оңай емес, қырық құбылған жылтыр…
