Әркім тұрғылықты жері бойынша тіркелуі тиіс
Ержан Әбіш
Әр ел азаматы халықтың көші-қоны туралы заңға сәйкес тұрғылықты жері бойынша тіркелуі тиіс. Тұрғылықты жері бойынша тіркелу тұрақты не уақытша болуы мүмкін.
Енді үйден шықпай-ақ ноутбук немесе смартфон арқылы сіз өзіңізді, балаңызды, туысыңызды тіркей аласыз. еGov, eGovmobile, HomeBank қосымшалары арқылы және «Мобильдік ХҚО» қосымшасында бейнеқоңыраумен операторға хабарласу арқылы онлайн тіркелуге болады. Қызмет көрсету мерзімі ХҚО-ға жүгінген кезде – 30 минут, онлайн өтініш бергенде – 15 минут.
Балаларды 14 жастан бастап тұрғылықты жері бойынша тіркеу керек. Осы жасқа жеткенге дейін балаларды тіркеудің қажеті жоқ, олардың тұрғылықты жері ата-анасының тіркелген мекенжайы болып танылады. 14-тен асқан баланы тіркеу үшін туу туралы куәлік немесе төлқұжат қажет. Қызметке ата-анасының бірі тапсырыс береді.
Пәтерде бейтаныс адамның тіркелгенін байқасаңыз, оны тіркеуден шығару үшін ХҚО-ға жүгінуге болады. Сондай-ақ, пәтер иесі «ҚР тұрғындарын тұрғылықты жері бойынша тіркеуден шығару» қызметіне eGov арқылы онлайн тапсырыс беріп, белгісіз адамы өз бетінше тіркеуден шығара алады.
Егер азамат қонаққа не іссапарға 1 айдан астам мерзімге келсе, 10 күн ішінде уақытша тіркелуі қажет.
