Еңбекақыны көтеру қажет

Ел Президенттігіне кандидат Мейрам Қажыкен Ақтөбедегі Марат Оспанов атындағы медицина университетінде және Маңғыстау облысында болып, жұртшылықпен кездесті.

Кандитат университет қабырғасындағы кездесуде медицина қызметкерлеріне лайықты еңбекақы төлеу қажеттігін атады.

– Медицина қызметкерлерінің тапшылығын жою үшін, дәрігерлердің әлеуметтік, құқықтық қорғалуын, жалақысын арттыру үшін ілкімді шаралар қажет, – деді үміткер.

Ол Дүниежүзілік денсаулық сақтау ұйымы бұл саланы елдегі ЖІӨ-нің 6%-ы көлемде қаржыландыруды ұсынатынын айтты. Бізде қаржыландыру ЖІӨ-нің 1,4 пайызын құрайды.

Ақтаудағы теңіз сауда порты қызметкерлерімен болған кездесуде кандидат мемлекеттік басқаруды орталықсыздандыру, ең төменгі жалақыны ашық есептеу, экология, сапалы білім, қолжетімді медицина мәселелерін көтерді.

Маңғыстау облысының кәсіподақ өкілдерімен, қоғам қайраткерлерімен кездесіп, зейнетақы, жалақы, жұмысқа орналасу түйткілдерін талқылады.