Дизель отыны қымбаттайды

Наурыз айында республикада дизель отынының құны 102 теңгеге дейін қымбаттамақ. Ал жанармай бағасы еш өзгеріссіз қалады. Табиғи монополияларды реттеу агенттігі төрағасының орынбасары Анатолий Шкарипа осылай деді.

– Нарық конъюнктурасындағы қалыптасқан жағдайдың нәтижесінде бензиннің бағасын жоғарылатпай ұстап қала алдық. Алайда наурыз айының 1-інен бастап жазғы және маусымаралық дизель отынының құны кезең-кезеңімен 102 теңгеге дейін көтерілетіні күтілуде, – деп түсіндірген Анатолий Шкарипа бүгінгі таңда отандық дизельдің арзан бағамен шетелге шығарылып жатқанына Мұнай және газ министрлігі алаңдаушылық білдіргендігін де жеткізді.